Само еден скок во вода комплетно може некому да му го смени животот. Ова е реченицата со која трауматолозите ја почнуваат приказната за нивните пациенти кои, по тешки повреди на 'рбетниот столб, останале комплетно парализирани. "Во еден миг сe е убаво, луѓето уживаат во летото, плажата и во водните лудории, а веќе следниот може да биде кобен. Не секој скок во вода е страшен и не секој скок во вода значи дека задолжително ќе се повредите. Но се случува ако скокаат на непознат терен каде што не знаат што има на дното или какви карпи има под водата, место посакуваното уживање, со темето да удрат во тврдата подлога. Во зависност од тоа колку е плитко местото, каков е ударот, со колкава тежина е човекот, најчесто доаѓа до пукање на 'рбетниот столб", вели проф. д-р Јордан Савески, хирург трауматолог и шеф на Спиналниот центар. 

Ризикот од хронични заболувања кај канцелариските работници e поголем. Иако ова звучи многу интересно и иако голем дел од популацијата не го разбира сериозно, последните статистички податоци се застрашувачки. Дури 40% од канцелариските работници се изјасниле дека седат околу 8 часа на своето работно место, 28% дека седат 6 – 8 часа на работно место, 25 % се изјасниле дека седат 4 – 6 часа на работното место. Сето ова и не би било толку страшно доколку не се следи уште една статистика според која работоспособното население од 20 до 62 години кое седи повеќе од 4 часа на своето работно место има двапати поголеми шанси да заболи од т.н. седечки синдром од другото население. За најчестите проблеми од овој синдром одговор ни даде Дејан Парцанов, физиотерапевт во Клиничка болница „Аџибадем Систина“.

Карлицата е прстенеста коскена структура составена од две крила. Основна улога е да ги заштити органите кои се сместени во неа. Тука спаѓаат дисталните органи на дигестивниот и генитоуринарниот тракт, како и крвните садови и нервните стебла кои се сместени во неа. Проф. д-р Јордан Савески, трауматолог, објаснува покрај заштитната улога, карлицата има и многу важна улога во пренесување на силите на оптоварување и држење на `рбетниот столб во исправена и седечка позиција.

При интензивни и напорни тренинзи за маратонското трчање, голем број од рекративците и професионалните спортисти се соочуваат со повреди. Статистиката вели дека секоја година околу  80% од маратонците се здобиваат со некоја повреда. Повеќето повреди се јавуваат како резултат на прекумерно трчање, ниски перформанси и нештедење на телото за време на физичката активност. Дел од повредите може да се минимализираат доколку се загревате пред тренинг, правите вежби за зајакнување, пропорционално вежбате и добро ја балансирате исхраната.

Поврзаноста на болеста и исхраната е одамна докажана, па кога ќе ги сумираме последиците од остеопорозата, а тоа се во најлош случај фрактурите на коските кои со себе повлекуваат сериозен степен на инвалидитет, намалена работна способност, па дури и смртни последици станува јасно колкав акцент треба да се стави на превенцијата од оваа болест

По тешката повреда на скочниот зглоб за време на натпревар, првиот избор за третман на младиот Андреј Синадиновски била Клиничката болница „Аџибадем Систина“. Вели дека целокупниот професионален пристап и третман на трауматологот д-р Неда Трајковска и д-р Аница Хаџи Петрушева Јанкијевиќ од Одделот за физикална терапија и рехабилитација биле мотив повторно да застане на нозе. По изведената операција и рехабилитација, Андреј почнува да се враќа во нормална состојба.

Хидротерапија, или уште се нарекува терапија со вода, претставува метод на лекување при кој се кристи поволното дејство на водата (ладна, топла, водена пареа) врз севкупната состојба на организмот. Примената на терапевтското дејство на водата има корени уште од старите римјани, кога и природонаучниците Гален и Целзиус ги оставиле првите пишани документи за дејството на топлата и ладната вода врз организмот.

Со медикаментозна терапија за ревматоиден артритис може да се забави напредокот на болеста. Хируршкиот третман е индициран кај пациенти со сериозни оштетувања на зглобовите. Во случаи кога не е можно да се направи биолошка операција на коски и меки ткива, се изведува артропластика или целосна замена на зглобовите, најчесто на поголемите зглобови.

„Ако имате скршеница, по падот нема да можете да станете и згазнете со ногата или да ја движите раката. Доколку станете и продолжите да одите без проблем или без проблем можете да ја движите раката, најчесто се работи за истегнување (дисторзија) лигаменти. Оток и болка можат да се јават при лесни повреди и скршеница, но сигурни знаци за скршеница се патолошка подвижност, деформитети и крцкање (крепитации)“, вели проф. д-р Јордан Савески, трауматолог од Клиничката болница „Аџибадем Систина“

Дали сте забележале наутро дека се будите со отечени прсти? Причина за ова може да бидат голем број состојби, но, сепак, потребно е да дознаете која е вистинската причина, дали е сериозна и како да си помогнете. Ова се најчестите состојби кои предизвикуваат отоци.