НОВОСТИ

24 Април 2015
Во „Аџибадем Систина“ родено е 10.000-тото бебе

Во „Аџибадем Систина“ родено е 10.000-тото бебе

На 23 април 2015 (четврток) на Одделот за гинекологија и акушерство во Клиничката болница „Аџибадем Систина“ се роди 10.000-тото новороденче. Тимот предводен од д-р Никола Панчевски, гинеколог акушер, со спонтано породување донесе на свет здраво машко бебе со родилна должина 50 цм и 3400 г. тежина. Малиот Даниел е првата радост на Викторија и Дарко Зарезанкови и 10.000-тото бебе родено во болницата од основањето на брендот Систина.

21 Април 2015
Д-р Лилјана Хаџи-Пецова и д-р Борислав Гогушевски дел од тимот  на „Аџибадем Систина“

Д-р Лилјана Хаџи-Пецова и д-р Борислав Гогушевски дел од тимот на „Аџибадем Систина“

Клиничката болница „Аџибадем Систина“ го прошири својот стручен тим со еминентните и искусни доктори, д-р Лилјана Хаџи-Пецова, специјалист интернист-хематолог, и примариус д-р Борислав Гогушевски, оториноларинголог.

Клиничката болница „Аџибадем Систина“ и во иднина ќе продолжи да го нуди најдоброто на своите пациенти во сите медицински специјалности. Нашиот професионален тим составени од најдобрите специјалисти, признати во својата професионална работа, секогаш отворени за соработка и 24 часа подготвени да одговорат на секој предизвик.

Доколку сакате да закажете преглед или стручна консултација јавете се во нашиот Контакт центар на 02 / 30 99 500.

15 Април 2015
Интервју со Гуркем Гунгор, медицински и нуклеарен физичар од  „Аџибадем

Интервју со Гуркем Гунгор, медицински и нуклеарен физичар од Здравствената групација Аџибадем

Акцелераторот TRILOGY е најмоќниот сојузник во борбата со канцерот

Пациентите со малигни болести од земјава и целиот регион имаат привилегија што во Македонија e отворен Центар за радиотерапија кој го поседува Trilogy. Овој моќен акцелератор, без двоумење, е најдобриот избор за зрачен третман во светот. Гуркем Гункор, кој повеќе од 8 години работи со акцелераторот Trilogy, ги потенцираше главните причини зошто оваа машина донесе револуција во радиотерапијата.

 „TRILOGY акцелераторот е една од најновите генерации линеарни акцелератори во светот со кој може да ги третирате сите типови канцер. Еден од најголемите предизвици во радиотерапијата е да имате машина што ќе може истовремено да ги третира туморите со мал волумен и туморите со поголем размер. Со Trilogy тоа е возможно. На овој акцелератор може прецизно да се третираат лезии со пречник од 1 цм, како и тумори со големина од 40 цм. Овие предности и уште многу други се резултат на трите техники со кои располага акцелераторот (IMRT, IGRT и SRT/SRC). Една од главните предности на Trilogy машината е можноста за IGRT, односно можност за следење на зрачниот третман преку слики. Со неговата примена имаме повратен одговор во истиот момент дали сè е в ред со текот на зрачниот третман, дали сè се одвива според планот, дали зрачниот третман е директно насочен кон туморот... Ваквата предност значи многу за целокупниот третман на пациентот. Се намалува времето на третманот и, што е најважно, третманот е ефикасен и целосно насочен кон лезијата, а околното ткиво останува здраво", вели Гуркем.

 

Зрачна терапија без IGRT техника е како да возите со затворени очи

„Најголемиот број линеарни акцелератори немаат можност за IGRT. Моето досегашно искуство кажува дека спроведување на зрачна терапија без да имате IGRT е исто како да возите со затворени очи. Вие почнувате да возите, но не знаете во која насока се движите и каде може да завршите. Другата техника со која располага Trilogy, IMRT, овозможува распределба на висока зрачна доза која е максимално прилагодена на туморот. Со оваа техника се третираат лезии со комплексна форма, односно со нерегуларни димензии. Предноста на SRT/SRC радиотерапијата е можноста за третман на мали лезии при што се користат прецизни зраци кои стигнуваат и до најмалите тумори.

Затоа, можам да кажам дека Центарот за радиотерапија кој е опремен со Trilogy има можност да ги третира сите видови тумори. Македонците ја имаат таа привилегија и среќа во нивната држава да постои ваков центар. И не само во Македонија, апаратот TRILOGY е единствениот во регионот кој вклучува три различни методи и техники за радиотерапија“, вели Гуркем.

Гуркем повеќе од 10 години работи на полето на радиотерапија во еминентни здравствени центри во Европа и на Блискиот Исток. Досега има спроведено над 25 000 зрачни третмани. Неговото искуство вели дека со доаѓањето на акцелераторот Trilogy квалитетот и прецизноста на зрачниот третман е подигнат на највисоко ниво.

„Една од основните работи кои ги добија пациентите со акцелераторот е значително скратување на зрачниот третман. Третманот трае најмногу 2 минути, а заедно со подготовката на пациентот третманот трае 30-тина минути. Втората, исто така, значајна работа е прецизност на третманот, која е загарантирана преку IGRT техниката. Оваа техника е од особено значење кај пациенти кои имаат лезии на белите дробови, која за време на третманот, со дишењето на пациентот се поместува. Со истовременото КТ снимање ние можеме да го следиме и увидиме тоа придвижување и соодветно на тоа да реагираме и да го насочиме зрачниот третман на местото на лезијата. Пациентот добива сигурен третман, а околното ткиво е максимално заштитено“.

Како физичар кој секојдневно ги следи најновите достигнувања во радиотерапијата во светот Гуркем вели дека еволуцијата оди секогаш чекор понапред и е насочена да обезбеди најдобар третман на пациентот. Неговата работа бара постојано да биде во тек со најновите достигнувања во радиотерапијата. Овој реномиран медицински физичар во јуни годинава ќе биде дел од предавачите на 12. Интернационален конгрес на Здружението за стереотактична радиохирургија.

„Еволуцијата секогаш оди на нагорно ниво и секогаш е насочена да обезбеди најдобар третман на пациентот. Една од најновите техники која прави парадигмални промени во радиотерапијата е наречена FFF (Flattening filter free), а, исто така, од големо значење во радиотерапијата е и апаратот Rapidarc во кој е вградена најсовремена технологија. Целта на најновите достигнувања во радиотерапијата е да имате можност да направите добар и прецизен план кој ќе ви обезбеди за кратко време најдобар можен третман, што значи најдобро опфаќање на лезијата и најмал можен зрак кон здравото ткиво. Во „Аџибадем Систина“ тоа е возможно благодарение на акцелераторот Trilogy“.

Гуркем Гунгор заедно со колегата Булент Јапиџ, медицински физичари од Здравствената групација „Аџибадем“, беа во неколкудневна посета на Центарот за онкологија и радиотерапија во „Аџибадем Систина“. Целта за нивната посета е едукација и размена на знаења и искуства од областа на радиотерапијата.

08 Април 2015
Првите кобрендирани Diners/Acibadem Sistina кредитни картички подарок за мајките породени на Светскиот ден на здравјето

Првите кобрендирани Diners/Acibadem Sistina кредитни картички подарок за мајките породени на Светскиот ден на здравјето

Катерина Штерјовска и Љиљана Ѓорѓевиќ покрај најубавиот подарок кој го добија на Светскиот ден на здравјето и воедно денот кога официјално пред 5 години е отворена болницата „Аџибадем Систина“, денес добија специјален подарок - новата кобрендирана Diners / Acibadem Sistina кредитна картичка.
Двете мајки ја имаа привилегијата да бидат првите корисници на новата картичка која покрај стандардните привилегии на членството на Diners Club нуди специјални попусти, платежни бенефиции и можност за плаќање на 12 рати на услугите во Клиничката болница „Аџибадем Систина“.
Покрај картичката, мајките го добија и стандардниот подарок од Клиничката болница „Аџибадем Систина“ како дел од концептот Acibadem Sistina Baby – брендирана бебешка торба со информативен материјал и многу други подароци и изненадувања.

«
»

СВЕДОШТВА И ПИСМА НА ПАЦИЕНТИ

Доктор Никола Панчевски ми ја подари Матеа

Доктор Никола Панчевски ми ја подари Матеа

Mајчинството е дел од природата. Благослов за кој мечтае секоја жена. Највеличествениот миг во животот. Но, законите на природата знаат да си поиграат со нашите животи. Да нè стават на предизвик и да нè тестираат колку можеме да ги издржиме...

Писмо - До Клиничката болница „Аџибадем Систина", д-р Јордан Савески и неговата екипа

Писмо - До Клиничката болница „Аџибадем Систина", д-р Јордан Савески и неговата екипа

Писмо - До Клиничката болница „Аџибадем Систина", д-р Јордан Савески и неговата екипа Да си родител е прекрасно и незаменливо чувство што ниту едно богатство на светов не може да го замени. Мојата приказна започнува со сообраќајна несреќа во Урошевац...

Бошко Дуковски

Бошко Дуковски

Кога на 64 години заминав во пензија и решив најубавите години од животот да ги поминам мирно и спокојно со семејството, почнаа моите проблеми. За само три месеци ослабев 17 килограми, а никој од докторите не можеше да открие која...

Катја Тодоровска

Катја Тодоровска

Со самото соочување со проблемот за забременување почна и нашата голгота за исполнување на сонот на секој човек - да се стане родител. За д-р Слободан Лазaревски како мој гинеколог се одлучив уште во 2007 год., а кога околностите беа...

Леонид Бошковски

Леонид Бошковски

Да се биде мајка е прекрасно и незаменливо чувство што ниту едно богатство на светов не може да го замени. Мојот син Леон е предвреме родено бебе.Со неговиот развој сè беше во ред, до првиот контролен преглед. По завршување на...

«
»


  1. Име(*)
    Please type your full name.
  2. Презиме(*)
    Please type your full name.
  3. Телефон(*)
    Invalid Input
  4. E-mail(*)
    Invalid email address.
  5. Порака
    Invalid Input
  6.   
  1. Име(*)
    Please type your full name.
  2. Презиме(*)
    Please type your full name.
  3. E-mail(*)
    Invalid email address.
  4. Оддел(*)
    Invalid Input
  5. Доктор
    Invalid Input
  6. Телефон(*)
    Invalid Input
  7. Порака
    Invalid Input
  8. Како да ве контактираме?


  9.   

 


 
    • Секој ден будете се во исто време