НОВОСТИ

20 Јануари 2015
Педијатрискиот оддел на „Аџибадем Систина“ со нови доктори

Педијатрискиот оддел на „Аџибадем Систина“ со нови доктори

Здравјето на најмалите е нашиот врвен приоритет. Во таа насока, со задоволство ви ги претставуваме новите експерти од областа на педијатријата кои станаа дел од нашиот тим.

02 Јануари 2015
Лејла е најубавиот новогодишен подарок

Лејла е најубавиот новогодишен подарок

Се радуваме за секоја нова приказна која започнува кај нас... Во првите денови од годината, со вас ја споделуваме приказната на семејството Сазоглу кои неколку дена пред новата година го добија најубавиот подарок, нивната принцеза Лејла.

Лејла Билге (Lely Bilge) тешка 3 килограми и 920 грама, долгa 52 см, е прва радост на мама и тато. На свет дојде со царски рез, а породувањето беше предводено од д-р Никола Панчевски. Среќните родители, Туркер и Дафне, се од Турција, но поради професионални обврски престојуваат во Македонија.

Им благодариме што нивната радост ја споделија со нас. Тимот од Клиничката болница „Аџибадем Систина“ на малата Лејла и посакува здраво и безгрижно детство.

 

Концепт Acibadem Sistina Baby

 

Со оваа приказна го започнуваме нашиот нов концепт „Acibadem Sistina BABY“. Овој концепт опфаќа низа бенефиции и предности со кои на сите наши пациентки им овозможуваме да се чувствувате сигурно и посебно во нашата болница.

Бебињата родени во „Аџибадем Систина“ се посебни бидејќи зад нив стои целокупниот професионален тим кој им овозможува безгрижно детство. Кон нив ја насочуваме целата наша љубов и посветеност и со задоволство го следиме нивниот развој низ годините.

Како бренд чии почетоци се темелат на грижата за репродуктивното здравје на жените чувствуваме потреба да бидеме заедно со вас во реализирањето на еден од најважните циклуси од вашиот живот. На овој начин сакаме да ви покажеме дека вашето здравје и среќа за нас се најважен доказ дека се движиме во вистинската насока.

23 Декември 2014
 Г-ѓа Саре Давутоглу во посета на Клиничката болница „Аџибадем Систина“

Г-ѓа Саре Давутоглу во посета на Клиничката болница „Аџибадем Систина“

 

Висока турска делегација, предводена од сопругата на претседателот на Владата на Р Турција, г-ѓа Саре Давутоглу, денеска ја посети Клиничката болница „Аџибадем Систина“. Десетчлената делегација од Р Турција, преку обиколка на болницата, имаше можност да се запознае со работата, условите и можностите на одделите и центрите во „Аџибадем Систина“.

Г-ѓа Давутоглу го сподели со менаџментот на болницата своето задоволство од целата посета и од функционирањето на Клиничката болница „Аџибадем Систина“. Таа додаде дека партнерството со Здравствената групација „Аџибадем“ е пример за две пријателски земји што имаат одлична соработка во секоја сфера на општественото живеење, вклучувајќи го и здравството. Ја поздрави инвестицијата на „Аџибадем“ во Македонија и се заложи за проширување на оваа соработка.

Во текот на посетата на Болницата г-ѓа Давутоглу го поздрави и пациентите, на кои им посака побрзо оздравување. Оствари средба и со врвниот тим специјалисти. Високата гостинка од Р Турција посебен интерес покажа за Одделот за гинекологија и ИВФ.

Со докторите од Одделот за ИВФ го сподели своето воодушевување од бројот и успехот на ИВФ циклуси кои досега се направени. Според неа, ова е импресивна бројка и доказ за успешна работа. Г-ѓа Давутоглу додаде дека како жена и гинеколог кој се залага за спонтаните породувања наспроти породувањата со царски рез ги подржува докторите од „Аџибадем Систина“ во нивната заложба да се одбере спонтаното породување секогаш кога е возможно.

Во текот на посетата г-ѓа Давутоглу разговараше и со докторите од Центарот за онкологија и радиотерапија и ја даде својата поддршка во заложбите на специјалистите и на целиот менаџмент на болницата да продолжат во напорите да го овозможат најдоброто лекување за пациентите со карцином. Со нив го сподели и своето воодушевување од технологијата која ја поседува болницата на Одделот за онкологија и радиотерапија.

За време на посетата г-ѓа Давутоглу беше придржувана со д-р Јана Марин, член на одборот на директори во Клиничката болница „Аџибадем Систина“ и менаџментот на болницата, кои ја споделија приказната и развојот на „Аџибадем Систина“, која прерасна во здравствен лидер во регионот.

 

20 Декември 2014
Одржан симпозиум на тема „Напреден пристап во третман на спинална патологија“

Клиничката болница „Аџибадем Систина“ одржa симпозиум на тема „Напреден пристап во третман на спинална патологија“.

Предавачи на симпозиумот беа врвните специјалисти од Спиналниот центар на „Аџибадем Систина“. Мултидисциплинарниот пристап на работа беше претставен преку бројните стручни презентации кои ја опфатија целокупната спинална патологија. Посебен акцент беше ставен на дијагностицирањето, како и различните пристапи на третман кај одредени заболувања на `рбетот и `рбетниот мозок.

Специјален гостин предавач беше проф. д-р. Ахмет Аланај, специјалист по ортопедија и трауматологија од Здравствената групација „Аџибадем“ кој ги презентираше најновите достигнувања во спиналната хирургија во детска возраст.

Предавањата ги следеа над 150 доктори од земјава и регионот кои активно беа вклучени со свои прашања, ставови и мислења. Симпозиумот е акредитиран од Лекарска комора на Р Македонија.

www.spine.mk

 

«
»

СВЕДОШТВА И ПИСМА НА ПАЦИЕНТИ

Бошко Дуковски

Бошко Дуковски

Кога на 64 години заминав во пензија и решив најубавите години од животот да ги поминам мирно и спокојно со семејството, почнаа моите проблеми. За само три месеци ослабев 17 килограми, а никој од докторите не можеше да открие која...

Катја Тодоровска

Катја Тодоровска

Со самото соочување со проблемот за забременување почна и нашата голгота за исполнување на сонот на секој човек - да се стане родител. За д-р Слободан Лазaревски како мој гинеколог се одлучив уште во 2007 год., а кога околностите беа...

Леонид Бошковски

Леонид Бошковски

Да се биде мајка е прекрасно и незаменливо чувство што ниту едно богатство на светов не може да го замени. Мојот син Леон е предвреме родено бебе.Со неговиот развој сè беше во ред, до првиот контролен преглед. По завршување на...

Матеј Пехчевски, Скопје

Матеј Пехчевски, Скопје

Поради сложена скршеница на лакот на левата рака и зоната на раст, моето 4,5-годишно синче Матеј претрпе операција. По препорака на детскиот хирург кој го изврши зафатот, постоперативната рехабилитација со физикална терапија ја почнавме и ја добивме на одделот за...

Дедо Љубе, 99 години, Кичево

Дедо Љубе, 99 години, Кичево

Јас сум Дедо Љубе од Кичево и имам 99 години. Сè уште сум витален, енергичен и со љубов кон животот како и пред педесетина години. Се радувам на секој нов ден како на нов почеток бидејќи и природата и божјата...

«
»


  1. Име(*)
    Please type your full name.
  2. Презиме(*)
    Please type your full name.
  3. Телефон(*)
    Invalid Input
  4. E-mail(*)
    Invalid email address.
  5. Порака
    Invalid Input
  6.   
  1. Име(*)
    Please type your full name.
  2. Презиме(*)
    Please type your full name.
  3. E-mail(*)
    Invalid email address.
  4. Оддел(*)
    Invalid Input
  5. Доктор
    Invalid Input
  6. Телефон(*)
    Invalid Input
  7. Порака
    Invalid Input
  8. Како да ве контактираме?


  9.